“Euskadin oraindik hasi berria den ekonomia-sektori bati laguntzea da gure erronka. Enpresa oso berritzaileak, ezagutzan oinarritzen direnak, etengabe hazten ari den merkatu globalizatuari begira daudenak, gure ekonomia balio erantsi handia duten arloetan dibertsifikatzeko gai direnak, eta, horrela, Euskal Herriaren lehiakortasuna handitu eta bertako biztanleentzat ongizatea handitzeko gai direnak”.
Biozientziak/Osasuna
JENDEARI LAGUNTZEKO IKERKETA
ZEIN DIRA GURE HELBURUAK?
- Euskadin aberastasuna sortzea; horretarako,pertsonon osasuna zaindu eta hobetzeaz gain,balio erantsi ikaragarri handia duen sektorea garatuta.
- Osasun-sistema sendotzea eta, horrela, enpresa-sektoreari laguntzea eta garapen zientifiko-teknologiko berrien aitzindari bilakatzea.
- Osasun produktuen inguruan dauden balio-kateak finkatzea (osasun-gailuak barne hartuta), terapia berriak, tratatmenduak eta osasunaren sustapena.
Sektore honen garapena ezinbestean egin behar da arlo publikoa eta pribatua elkarlanean arituta, ekintzailetza sustatuta eta berrikuntzari ateak irekita. Ezarpena gidatzeko, Osasun Sailak koordinatutako pilotatze-talde bat sortu da. Talde horrek Osasunean eragina izango duen. Ikerketa eta Berrikuntza Estrategia 2020 eskaintzen du.
Pilotatze-taldeak hainbat lan-ildo zehaztu ditu: lehenetsitako 5 Espezialitate-arlo, 4 Ekimen Estrategiko eta 2 Zeharkako Arlo. Horiek guztiak baliatuta, potentzialitate edo gaitasunak bildu eta euskal zerbitzu eta ehun industrialaren negozio-aukerak bultzatzea nahi da.
LEHENTASUNEZKO ARLOAK
Osasun gailuak
Helburua: osasun gailuen eta osasun digitalaren inguruan sortzen ari diren euskal enpresa berriei babesa eskaintzea, beti ere sektore edo arlo honetara egokitu daitezkeen eta lehendik zeuden baliabide teknologikoak erabilita.
Gaixotasun bitxiak
Helburua: 2-3 diagnostiko-sistema garatzea, eta gutxienez 2-3 botika-umezurtz izendatzea; horrez gain, arlo horretan lanean arituko diren enpresa kopurua handitzea (10), jada identifikatuta dauden aukerak baliatzea optimizatuta.
Osasungintza pertsonalizatua
Helburua: osasungintza pertsonalizatuaerabiltzen hastea eta arlo horretan interesa duten enpresei ekinbide horretan laguntzea, pertsona bakoitzaren ezaugarriak kontuan hartuta prebentziorako, diagnosirako, tratamendurako eta monitorizaziorako baliagarriak izango diren produktuak garatuta.
Big Data-Datuen analisi aurreratua
Helburua: hainbat iturritatik jaso ahalko diren datuenpotentzialitatea baliatu, eta, horrela,osasungintza pertsonalizatua eta osasun-kudeaketa mesedetu eta errazteko, baliagarriak izango diren tresna eta metodologiak garatzea.
Neurozientziak eta Neuroteknologia
Helburua: Gaixotasun neurologikoeta psikiatrikoak sendatzen saiatzeko diagnosi-prozedurak, aurreikuspenak eta terapia berritzaileak garatzea.
EKIMEN ESTRATEGIKOAK
Innosasun
Enpresa sektore jakin baten eta osasun-sistemaren arteko elkarlana sustatzera eta erraztera bideratutako ekintzen programa antolatua, beti ere berrikuntzen garapenean laguntzeko. Lantegi-ikasgela ere barne hartzen du, produktu eta teknologiak garatu eta balidatzeko.
Baliosasun
Osasun-sisteman sortutako ideia berritzaileak eta I+G+b-ren ondorio direnak sustatu eta ustiatzen dituen programa da. Horretarako, enpresa sektore horrentzat negozio-aukera berriak sortzen ditu, eta osasun-sistema eraginkorragoa izan dadin berrikuntzak ezartzeaz arduratzen da.
EPP
Eskaria aintzat hartuta abiatzen den berrikuntza-tresna. Oinarrian, sektore publikoaren eta pribatuaren arteko elkarlana dago, eta euskal osasun sistemak dauzkan premiei irtenbideak ematera bideratuta dauden ondasunak eta zerbitzuak eskuratzea du xede.
EIP-AHA (European Innovation Partnership on Active and Healthy Ageing)
Europar ekimen honek helburu bikoitza dauka: batetik, hiritarren osasun-egoera hobetzea (kalitatezko bizitza-urteak irabaztea), eta, bestetik, Europako Erkidegoko industriaren lehiakortasuna hobetzea, merkatu berriak zabaltzen lagunduko duten oinarriak jarrita. Euskadi kalifikazio gorena jaso duten 8 erreferentzia-guneetako bat da, eta gainerako beste zenbait eskualderekin batera berrikuntzak ezartzeko egoera bikainean posizionatuta dago (bai antolakuntza mailan, eta, baita, teknologia-mailan ere).