Zer da RIS3 Euskadi?

Zer da RIS3?

Europa bere lehiakideekiko lehiakor izan nahi badu, haren eskualdeak ere izan behar dute. Horretarako, bakoitza bere konparazio eta lehiakortasun abantailetan zentratu behar da. Azken finean, oro har lehiatzeko ezagutzaren ekonomiaren arloetan espezializatu behar da eskualde bakoitza.

Hori da, hain zuzen ere Regional Innovation Smart Specialization Strategy edo RIS3 estrategiaren funtsa, eskualde bakoitzak Europako Batzordeak aginduta 2014-2020 aldirako zehaztutakoa.

RIS 3 Europako Batzordeak sortutako akronimoa da, eta hau da bere esanahia: “Research and Innovation Strategy for Smart Specialisation“. “Research”-en “R”,… “Innovation”-en “I” … eta S3, “S” hiru aldiz, edo kuboa, “Strategy”, “Smart” eta “Specialisation” hitzengatik.

Euskaraz hala itzul dezakegu: Espezializazio Adimentsurako Ikerketa eta Berrikuntza Estrategia.

Esteka bat bidaltzen dizugu Europako Batzordeak espezializazio adimentsua nola definitzen duen ikus dezazun (Smart Specialisation).

RIS3 Euskadi

RIS3 Euskadi lurraldea ekonomikoki eraldatzeko estrategia da, zeinak erabilgarri dauden baliabideak I+G eta berrikuntza lehentasunen multzoan biltzen dituen.

Beraz, RIS3 Euskadik hazkuntza eta enplegua sortzen duten balio erantsi handiko eremuetan barneratzeko egiten du lan. Aukera-eremuak dira, non Euskadik enpresa-gaitasuna eta gaitasun zientifiko-teknologikoa duen.

Are zehatzago, hiru arlo estrategiko zehaztu dira: Fabrikazio aurreratua, energia eta biozientziak/osasuna. … eta aukeren lau lurralde: Elikadura, hiriko habitata, ekosistemak, kultura eta sormeneko industriak.

Euskadin herrialdeko lehentasunak nola hautatu diren jakin nahi baduzu, … hemen duzu esteka.

Lotuta al dago RIS3 PCTI 2020rekin?

Zientzia, Teknologia eta Berrikuntzako Plana Euskadi 2020 (ZTBP) espezializazio adimentsuko estrategian lan egiten duten eragileak eta esfortzuak (eta, ondorioz, RIS3 Euskadin) bateratzen dituen plana da.

Honako xedea du:

Ongizatea, hazkuntza ekonomiko iraunkorra eta enplegua haztea espezializazio adimentsuan eta Zientzia, Teknologia eta Berrikuntzako Euskal Sistemaren efizientziaren hobekuntzan oinarritutako ikerketa eta berrikuntzako politikaz baliatuta.

Nola ari da hedatzen RIS3 Euskadi?

Lehentasunak identifikatzeko fasea burututa, Euskadik abian jarri du hurrengo faseen hedapena. Nabarmendu beharra dago Pilotatze-taldeen sorrera, administrazioak, enpresek, klusterrek eta eragile zientifiko eta teknologikoek sortuak hedapen horren operazioak sustatzeko.

3. fasea

1. Pilotatze-taldeak
2. Lankidetza bultzatzen duten proiektuak sustatzea
3. Merkatura gehiago hurbiltzea
4. Bikaintasuneko oinarrizko ikerketa indartzea RIS 3 eremuetan
5. Zientzia eta teknologian talentua eta bokazioak sustatzea: STEAM Euskadi estrategia
6. Euskal gizartearen sentsibilizazioa areagotzea